Յակով Սարգսյանը ծնվել է 1996թ. հոկտեմբերի 25-ին Ստեփանակերտում:
2003թ. հաճախել է Ստեփանակերտի համար 8 դպրոցը, իսկ 2007թ. տեղափոխվել համար 3 դպրոց, որն ավարտել է 2014 թվականին:
Դպրոցական ու քաղաքային միջոցառումներին և մրցումներին միշտ ցուցաբերել է իր ակտիվ մասնակցությունը:
Դեռ մանկուց զբաղվում էր բասկետբոլով: Մասնակցել է «Орленок» ռազմամարզական խաղերին և ԱՀ ՊԲ կից ռազմամարզական ճամբարին։
2016-2018թթ. ծառայել է Արցախի Հանրապետության պաշտպանությոան բանակում:
2016թ. ապրիլյան քառօրյա պատերազմի մասնակից է, ծառայության ընթացքում իրականացրել է մարտական հերթափոխություն:
Զորացրվել է՝ ստանալով կրտսեր սերժանտի կոչում:
Ավարտել է Մեսրոպ Մաշտոցի համալսարանի իրավաբանական ֆակուլտետը՝ ստանալով իրավաբանության բակալավրի կոչում:
2018թ-ից ծառայում էր Արցախի Հանրապետության ազգային անվտանգության ծառայությունում:
2020թ. սեպտեմբերի 27-ից Արցախի Հանրապետության դեմ Ադրբեջանի և Թուրքիայի կողմից սանձազերծված պատերազմի առաջին օրվանից կամավոր միացել է հայրենիքի պաշտպանությանը:
2020թ. նոյեմբերի 5-ին զոհվել է Շուշիի պաշտպանության համար մղվող մարտերում:
Ընտանիքի միակ զավակն էր։
Ամուսնացած էր։
ԱՀ նախագահի հրամանագրով Յակով Սարգսյանը hետմահու պարգևատրվել է «Արիության» մեդալով և «Մարտական խաչ» 1-ին աստիճանի շքանշաններով։
