Եթե ողջ եմ մնացել, ուրեմն պատմելու բան ունեմ․ Լևոն Սահակյան․ Կյանքին ասել այո՛
44-օրյայի հերոս Լևոն Սահակյանն առաջիկայում կվիրահատվի․ Լևոնի ողնաշարից կհեռացնեն պատերազմից մնացած բեկորները, ինչը հնարավորություն կտա արդեն հաջորդ՝ թվով 5-րդ վիրահատության ժամանակ երկաթներով ամրացնել ողերը։
Լևոնը ծնվել է 2002 թվականին Արարատի մարզի Քաղցրաշեն գյուղում, զորակոչվել է 2020-ի ամռանը, ծառայել է Հադրութի զորամասում։ Երկու ամիս ու տասնմեկ օրվա ծառայող էր, երբ սկսվեց պատերազմը։ Մասնակցել է Հադրութի, ապա՝ Վարանդայի, Մարտունու, իսկ վերջում` Շուշիի մարտերին, որտեղ էլ «Գրադ» զինատեսակից նոյեմբերի 5-ի գիշերը վիրավորվել է՝ ստանալով պարանոցի ողերի կոտրվածք ու թոքերի սալջարդ։ Արցախի նախագահը նրան պարգևատրել է Արիության մեդալով։ Պատերազմից հետո Լևոնը հասցրել է գիրք հրատարակել՝ «Կռիվ տալով» վերնագրով, որտեղ պատմում է իր անցած պատերազմի քառասուն օրերի մասին։ Սովորում է Հայաստանի ֆիզիկական կուլտուրայի և սպորտի պետական ինստիտուտի Մարզական լրագրություն բաժնում, ունի եղբայր։ Լևոն Սահակյանի հետ՝ ներկայացվող տեսանյութը ձայնագրվել է վիրահատությունից մի քանի օր առաջ։
Մանրամասները՝ տեսանյութում
