Դեսանտագրոհային Արտուշ Տիգրանյանը
Մարտի 23, 2022
21-ամյա Արտուշ Տիգրանյանը ապրում է Շիրակի մարզի Բայանդուր գյուղում։ Դպրոցն ավարտելուց հետո Արտուշը զորակոչվել է բանակ, ծառայել է Արցախում։ Նա 44-օրյա պատերազմի մասնակից է։ Դեսանտագրոհային վաշտի կազմում մասնակցել է Մարտակերտի և Մարտունու շրջանների՝ Թալիշ, Աղդաբան, Մատաղիս և Շեխեր գյուղերի մարտերին։
Հոկտեմբերի 23-ին Շեխերում վիրավորվել է ոտքից։ Մի քանի վիրահատություն է տարել, երկար ժամանակ բուժվել է «Հայրենիքի պաշտպանի վերականգնողական կենտրոնում»։ Վնասվածքի պատճառով Արտուշի մի ոտքը մյուսից մի քանի սանտիմետրով կարճ է, ինչի պատճառով Արտուշը տեղաշարժվում է հենակների օգնությամբ։
