Ծնվել է 2001թ. նոյեմբերի 9-ին ք. Երևանում: Մանկուց շատ խելացի և աշխույժ երեխա էր: Տարբերվում էր իր բարիությամբ և կարգապահությամբ: Ամենուրեք կարողանում էր համախմբել իր կողքին բազմաթիվ ընկերներին:
2007թ. ընդունվել է Չեխովի անվան թ.55 միջնակարգ դպրոց, որը գերազանց ավարտել է 2016թ.:
Ակտիվ զբաղվել է կարատեով և լողով: 2016թ. ընդունվել է ՛՛Քվանտ՛՛ վարժարան: 1 տարի ՛՛Քվանտ՛՛-ում սովորելուց հետո, 2017թ. տեղափոխվել է ֆրանսիական քոլեջ(LPFA):
2019թ. գերազանց ընդունվել է ֆանսիական համալսարան(UFAR) կառավարման ֆակուլտետ:
Ազատ տիրապետում էր ռուսերեն, անգլերեն, ֆրանսերեն և գերմաներեն լեզուներին:
2020թ. հունվարի 9-ին, կիսատ թողնելով ուսումը զորակոչվեց բանակ: Ծառայում էր Քարվաճառում, որպես հրետանավոր:
Երբ սկսվեց պատերազմը, 8 ամսվա ծառայող էր: Պատերազմի առաջին իսկ օրերից Դավիթը մասնակցել է մարտական գործողություններին: Թեժ մարտերում խիզախաբար պայքարել է թշնամու դեմ: Համարյա մեկ ամիս պաշտպանել է Օմարի լեռնանցքը, ցուցաբերելով յուրօրինակ քաջություն: Զուր չէ, որ իրենց անվանել են ՛՛Օմարի արծիվներ՛՛: Իրենց շնորհիվ է, որ մինչև պատերազմի վերջ, թշնամին ոտք չի դրել Քարվաճառ:
Դավիթը զոհվել է հոկտեմբերի 23-ին, ինքնաթիռի հարվածից:
Հայրենիքի սահմանները պաշտպանելիս ցուցաբերած խիզախության և անմնացորդ նվիրումի համար, ՀՀ նախագահի հրամանագրով հետմահու պագևատրվել է ՛՛Մարտական ծառայության՛՛ մեդալով:
ՀՀ ՊՆ զորամասի հրամանատարի կողմից հետմահու պարգևատրվել է "Մարտական հերթապահության համար" առաջին աստիճանի մեդալով:
Մեր հերոսները. Դավիթ Արմենի Պողոսյան. Առավոտ լուսո
Ձեզ բացակա չենք դնի․ Դավիթ Արմենի Պողոսյան. տեսանյութ
