Արտյոմ Արտակի Տեփանյան, ծնվել է 2002թ. հունիսի 5-ին Արագածոտնի մարզի Կարմրաշեն գյուղում, բազմազավակ ընտանիքում: Արտյոմը կրտսեր զավակն էր ընտանիքում, երկու քրոջ ու եղբոր հաջորդողը:
2008թ. ընդունվել է Կարմրաշենի Ա.Ասլանյանի անվան միջն. դպրոց, որն ավարտելուց անմիջապես հետո զորակոչվել է հայկական բանակ:
Դպրոցական հասակից Արտյոմը ձեռնամուխ եղավ օգնել ծնողներին, ներգրավվելով գյուղատնտեսական տարատեսակ աշխատանքերին: Աշխատասեր, բարի, ազնիվ ու արդար զավակը իր տան մի սյունն էր ու ճրագը:
Ունենանլով առողջական խնդիրներ, միևնույնն է չտարակուսեց, չնահանջեց ու որպես հայրենիքի նվիրյալ զավակ մեկնեց ծառայության:
2020թ. օգոստոսի 19-ին զորակոչվեց ու ծառայության անցավ Ստեփանակերտի Ցոր զորամասում՝ որպես կապավոր: Ծառայության այդ կարճ ժամանակահատվածում աչքի է ընկել իր պատրաստակամությամբ ու նվիրվածությամբ:
44-օրյա պատերազմում Արտյոմը, ինչպես և իր զինակից մյուս ընկերները, պայքարել, կռիվ է տվել, զոհել է իրեն՝ հանուն հայրենիքի, հանուն Հայոց աշխարհի: Շրջափակման մեջ հայտնվելով, ընտրել է գիտակից մահն ու անմահացել, ծնողներին խոստանալով, որ ամեն ինչ լավ է լինելու...
2021թ. նոյեմբերի 30-ին երկարատեւ բանակցություններից հետո թշնամին հայկական կողմին հանձնեց 11 հայ հերոսների աճյունները: Տղաներն էին՝ Ցորի հրետանավորները, այդ թվում նաև՝ Արտյոմը: Տղաների ինքնությունը հաստատվեց ԴՆԹ փարձաքննության արդյունքում:
Արտյոմ Տեփանյանի աճյունը խաղաղությամբ հանգչեց գյուղի գերեզմանատանը, հերոսին վայել շուքով ու կարգով: Պարգևատրվել է Մարտական Խաչ 2-րդ աստիճանի շքանշանով:
