Ծնվել է 2001թվականի օգոստոսի 26-ին Վայոց ձորի Վայք համայնքում։ Սովորել է տեղի հիմնական դպրոցը,որը կարմիր վկայականով է ավարտել և տեղափոխվել քաղաքի ավագ դպրոց։ Յոթ տարի հաճախել է «Անուրջներ»կոչվող պարի խմբակ,իսկ 5տարի հաճախել շվիի։ Մասնակցելով «Հայ ասպետին» գրավել էր առաջին հորիզոնականը։
2019թ ընդունվեց ՀՊՏՀ «Մարքեթինգի» բաժինը։ Այնտեղ էլ մի քանի ամսում դարձել էր ճանաչված,ում դիմում էին КВН-ի Հարութը։ КВН-ի խումբին մասնակցելով առաջին տեղն էր գրավել տղան։
2020թվականի հունվարի 21-ին Հարութը զորակոչվեց բանակ։ 6 ամիս Աշտարակի Մուղնիի զերամասում(ՀՕՊ),ծառայելուց հետո հուլիսի 8-ին մեկնեց Արցախ՝ Հադրութի Զինավան։
Պատերազմի օրերին կռվել է Ֆիզուլիում,Հադրութում,Մարտունիում։ Վերջին անգամ զանգահարել է հոկտեմբերի 21-ի առավոտյան:
Նույն օրը՝ հոկտեմբերի 21-ի երեկոյան,Դրախտիկ գյուղի շրջակայքում անմահացավ Հարութը։
