Հուլիսի 7-ին, ժամը 16։15-ի սահմաններում, Ադրբեջանի ԶՈՒ ստորաբաժանումները տարբեր, այդ թվում նաև խոշոր տրամաչափի հրաձգային զինատեսակներից կրակ են բացել հայ-ադրբեջանական սահմանի արևմտյան, մասնավորապես՝ Վայոց Ձորի մարզի Ելփին գյուղի հատվածում տեղակայված հայկական մարտական դիրքերի, ինչպես նաև դեպի գյուղ տանող ճանապարհի ուղղությամբ, ինչի հետևանքով վնասվել է քաղաքացիական ավտոմեքենա։
2020-ի արցախյան պատերազմում որդիներին կորցրած ծնողները ուխտագնացության են մեկնել Արցախի սրբավայրեր: Առաջին օրը ծնողները հայտնի Ցորի զորամասում էին, ապա՝ Գանձասարի վանքում:
48-ամյա Անգելինա Ռաֆայելյանի դուստրը նրա բոլոր թոռներից փոքր է։ Փոքրիկ Վանեն ծնվել է մարտի 24-ին, նա 3 ամսականից մի քիչ է ավելի։ Թոռները 1-9 տարեկան են։ Երբ Վանեն դառնա մեկ տարեկան, Անգելինան եւ նրա ամուսինը մտադիր են կրկին դիմել վերարտադրողականությամբ զբաղվող մասնագետներին՝ եւս մեկ երեխա ունենալու հույսով։
Մարտակերտից 23-ամյա Մարիամ Մնացականյանն ասում է, որ Արցախյան պատերազմը այնպիսի անսպասելի դժվարություններ ու ողբերգություններ բերեց, որ իրենք էլ զարմանում են, թե ինչպես են այդ ծանր բեռան տակ ապրում: «Մարդ ապրում ա էնքան որ երեխեքի համար»,- հուզմունքով նշում է նա։
Ոնց որ ամբողջ աշխարհը փլվեր գլխիս՝ այսպես է նկարագրում պատերազմի ժամանակ ամուսնու զոհվելու մասին լուրն իմանալը 32-ամյա Սեդա Իսրայելյանը։
Սեդայի ամուսինը՝ պայմանագրային զինծառայող 34-ամյա Ռուսլան Իսրայելյանը, զոհվել է նոյեմբերի 7-ին՝ հերթական վիրավորին օգնության հասնելու ժամանակ շրջափակման մեջ հայտնվելով։
Արցախյան 44-օրյա պատերազմում միակ որդուն՝ 20–ամյա Արմանին կորցրած Ազատյանները որդի են ունեցել։ «Աստղիկ» բժշկական կենտրոնում փոքրիկ Արմանին դիմավորելու էին եկել ոչ միայն բարեկամները, այլեւ պատերազմում զոհված զինծառայողների ծնողները։
19-ամյա ժամկետային զինծառայող Հրաչիկ Փիլիպոսյանի զոհվելուց շուրջ 15 օր անց զինվորի մահվան հանգամանքներն անհայտ են։ Նա հունիսի 18-ին Վերին Շորժայի սահմանին մարտական հերթապահություն իրականացնելիս է զոհվել։
Հայկական Զինված ուժերի կազմավորման 30ամյակի նախօրեին Շիրակի մարզի Լանջիկ համայնքի միջնակարգ դպրոցում տեղի ունեցավ Արցախյան երկրորդ պատերազմում անմահացած ՀԵՐՈՍԱՄԱՐՏԻԿ ՍԱՄՎԵԼ ՊՈՂՈՍՅԱՆ ՀՈՒՇԱՆՅԿՅԱՆ բացման հանդիսավոր արարողությունը։
26-ամյա Նարե Վարդանյանը Արցախյան պատերազմի հետևանքով ընտանիքի հետ տեղահանվել է և ապաստան գտել Հայաստանի Կոտայքի մարզի Հրազդան քաղաքում։ Ասում է, որ ո՛չ Հայաստանում է դեռ հարմարվել ստացվում, ո՛չ էլ Արցախում է այս պահին ապագա տեսնում։ Ընտանիքը փորձում է դեռ պատերազմի շոկից դուրս գալ։
Արցախյան պատերազմը գլխիվայր շրջել է Հարությունյանների ընտանիքի կյանքը։ 37-ամյա Սիրուշ Սիմոնյանի ամուսինը՝ Արցախի Հանրապետության ոստիկանության ՊՊԾ գումարտակի 2-րդ վաշտի հրամանատար Արսեն Հարությունյանը, հայրենիքը պաշտպանելիս զոհվել է հոկտեմբերի 15-ին։
